GORPUTZA ETA TEKNOLOGIA: EIDER CHAVES

 Hausnarketa pertsonala

GORPUTZA ETA TEKNOLOGIA

Eiderrek saio bat prestatu zigun, teknologia beste modu batera lantzeko. Saio honetan, teknologia eta gorputzaren arteko erlazioa egin zuen eta hainbat dinamika azaldu zizkigun. Lehenik eta behin, film bat ikusi behar izan genuen eta klasera horren inguruko galdera detonatzaile bat ekarri. Horren inguruko solasaldi oso laburra egin eta gero jarduera guztiak egiten hasi ginen.

Jarduera bakoitza amaitu eta gero, paper batean momentu horretan sentitutakoa adierazi behar genuen, labur eta asko pentsatu gabe, bapatean. Azaldu zizkigun jarduerak dibertigarriak eta oso baliagarriak izan zirela uste dut. Azken finean, jarduera bakoitzaren atzean hausnarketa bat baitzegoen. Batzuk, banakakoak ziren besteak gelakideekin egitekoak. Saioan zehar gorputza oso presente aurkitzen zen geure artean.

Aipatzekoa iruditzen zait egin genuen jarduera bat. Gelatik zehar hainbat aulki zeuden eta momentu batzuetan zehar, gelakide bat horietako batan eseri behar zen eta beste guztiek berari begiratu. Dinamika horretan zehar, momentu deseroso eta ohitu gabeko bat bizi behar izan genuen, guztiek guri begiratzearena eta zerbait polita esatearena. Momentu hori dinamika bat zen, baina gure egunerokoan askotan ematen dugun joera da. Gaur egun, sare sozialak gure egunerokoaren ispilu dira. Egunero adierazten baitugu eta zertan ari garen edota geure argazkiak igo. Momentu horietan, milaka pertsonek begiratzen gaituzte baina zergatik ez digu lotsa ematen? Desberdin ikusten ditugu pantaila baten aurrean gure argazkiak igo edota pertsona baten aurrean, argazki moduko bat egitea. Horrek, zer pentsa handia eman zidan eta barne hausnarketa bat egiteko, ezin besteko jarduera izan zela iruditzen zait.

Saio osoan zehar, jarduera guztiek erlazio txiki bat zuten elkarrekin. Oso egokiak izan ziren eta oso gustura aurkitu nintzen jarduera bakoitzetan. Bestalde, gaia jorratzeko beste modu bat da, modu tradizionaletik at eginez. Gainera, gelakideon artean ere momentu eder eta atseginak sortu ziren. Neure buruarekin hausnarketa sakonago bat egiteko balio izan zidan, baita nire gelakideak hurbilagotik ezagutzeko ere.